నా గొంతు శృతిలోనా..

@శ్రీనివాస్@

నా గొంతు శృతిలోనా..

చిత్రం: జానకిరాముడు (1988)
సంగీతం: కె.వి. మహదేవన్
గీతరచయిత: ఆచార్య ఆత్రేయ
నేపధ్య గానం: బాలు, చిత్ర

పల్లవి:

హా తానానె తననానా
ఆ.....

నా గొంతు శృతిలోనా నా గుండె లయలోనా
పాడవే పాడవే కోయిలా
పాడుతూ పరవశించు జన్మ జన్మలా

నా గొంతు శృతిలోనా నా గుండె లయలోనా
పాడవే పాడవే కోయిలా
పాడుతూ పరవశించు జన్మ జన్మలా

నా గొంతు శృతిలోనా... ఆ...నా గుండె లయలోనా

చరణం 1:

ఒక మాట పదిమాటలై అది పాట కావాలనీ
ఒక జన్మ పది జన్మలై అనుబంధమవ్వాలనీ
అన్నిటా ఒక మమతే పండాలని
అది దండలో దారమై ఉండాలనీ
అన్నిటా ఒక మమతే పండాలని
అది దండలో దారమై ఉండాలనీ
కడలిలో అలలుగా కడలేని కలలుగా నిలిచిపోవాలనీ....
పాడవే.. పాడవే.. కోయిలా
పాడుతూ పరవశించు జన్మజన్మలా

నా గొంతు శృతిలోనా...ఆ.. నా గుండె లయలోనా

చరణం 2:

ప్రతిరోజు నువు సూర్యుడై నన్ను నిదుర లేపాలనీ
ప్రతిరేయి పసిపాపనై నీ ఒడినీ చేరాలనీ
కోరికే ఒక జన్మ కావాలనీ
అది తీరకే మరు జన్మ రావాలనీ
కోరికే ఒక జన్మ కావాలనీ
అది తీరకే మరు జన్మ రావాలనీ
వలపులే రెక్కలుగా వెలుగులే దిక్కులుగా
ఎగిరిపోవాలనీ...
పాడవే.. పాడవే.. కోయిలా
పాడుతూ పరవశించు జన్మజన్మలా

నా గొంతు శృతిలోనా నా గుండె లయలోనా
పాడవే పాడవే కోయిలా
పాడుతూ పరవశించు జన్మజన్మలా

తానానె తననానా.....
తానానె తననానా....